ٹرمپ کا دورہ برطانیہ، عوام کا شدید احتجاج

لندن: امریکا کے صدر ڈونلڈ ٹرمپ کے دورہ برطانیہ کےموقع پر عوام کی جانب سے شدید احتجاج کیا گیا ہے۔
اطلاعات کے مطابق امریکی صدر ڈونلڈ ٹرمپ اپنی اہلیہ میلانیہ ٹرمپ کے ہمراہ 4 روزہ سرکاری دورے پر لندن کے اسٹینسٹیڈ ایئرپورٹ پہنچے تو مظاہرین پلے کارڈز اٹھا کر ان کے خلاف سخت احتجاج کررہے تھے۔ جس کے بعد سیکورٹی ایشوز کو مدنظر رکھتے ہوئے انہیں سڑک کی بجائے بذریعہ ہیلی کاپٹر امریکی سفیر کی رہائش گاہ لے جایا گیا۔
برطانوی پولیس کی جانب سے مظاہروں کے خدشے کے پیش نظر سیکورٹی کے انتہائی سخت اقدامات کئے گئے ہیں جبکہ بعض مقامات پر مظاہرین جمع ہوئے اور انہوں نے امریکی صدر کے خلاف نعرے بازی بھی کی۔
صدر ڈونلڈ ٹرمپ اپنے دورہ برطانیہ کے دوران وزیراعظم تھریسامے سے ملاقات کریں گے جس کے دوران 2019 میں برطانیہ کی یورپی یونین سے علیحدگی کے بعد امریکا سے تجارتی امور پر بات چیت ہوگی۔