ٹرمپ کا 2020 کے صدارتی انتخابات لڑنے کا اعلان

واشنگٹن : امریکی صدر ڈونلڈ ٹرمپ نے2020 کے صدارتی انتخابات لڑنے کا اعلان کردیا۔

برطانوی اخبارکو انٹر ویو میں ٹرمپ نے کہا کہ انھیں ایسا کوئی شخص نظر نہیں آتا جو 2020 کے انتخابا ت میں انھیں شکست دے سکے ۔

انھوں نے کہا کہ ملکہ برطانیہ سے بڑی خوش گوار ملاقات رہی، وہ بہت خوبصورت خاتون ہیں، ظاہری اور باطنی طور پر وہ بہت اچھی ہیں۔ٹرمپ نے کہا کہ ملکہ الزبتھ نے انھیں بتایا کہ بریگزٹ بہت پیچیدہ معاملہ ہے۔