حماس اور اسرائیل میں جنگ بندی پر اتفاق

 

تل ابیب : فلسطینی تنظیم حماس اور اسرائیل میں جنگ بندی پر اتفاق ہو گیا ہے۔

 

فلسطینی اتھارٹی کے عہدیدار نے کہا ہےکہ خطےمیں کشیدگی کے خاتمے کیلئے مصر اور عالمی کوششیں کامیاب ہوئیںاور حماس اور اسرائیل میں جنگ بندی پر اتفاق ہو گیا ہے۔

دوسری جانب اسرائیلی وزیراعظم کے ترجمان نے جنگ بندی پر اتفاق کی خبرپر ردعمل دینے سے انکار کردیا۔
اس سے پہلے ہفتے کو غزہ پٹی پر اسرائیلی لڑاکا طیاروں کی بمباری سے2فلسطینی نو جوان جاں بحق اور25 افراد زخمی ہوگئے تھے ۔

 

عرب ٹی وی کے مطابق اسرائیلی لڑاکا طیاروں نے غزہ پٹی میں حماس ودیگر مسلح مزاحمتی تنظیموں کے ٹھکانوں پر بمباری کا سلسلہ جاری رکھا جو 2014 کے بعد اسرائیل کا سب سے بڑا حملہ تھا۔اسرائیلی فضائی حملوں کے دوران غزہ پٹی سے اسرائیلی علاقوں پر کم از کم17 راکٹ داغے گئے۔اسرائیلی میڈیا کے مطابق اسرائیل میں بھی درجنوں راکٹ پھینکے گئے جن سے 3 اسرائیلی زخمی ہوئے۔