مٹیاری کے قریب ٹرالر کی مسافر کوسٹر کو ٹکر۔حادثے میں 17 ہلاک

حیدرآباد:حیدرآباد کے قریب ضلع مٹیاری کی حدود میں قومی شاہراہ پر باراتیوں کی مسافر کوسٹرکو تیز رفتار ٹریلرنے ٹکر ماردی جس کے نتیجہ میں 17مسافر ہلاک اور 15شدید زخمی ہوگئے ہیں ۔

نجی ٹی وی چینلز کے مطابق ایس ایس پی کاکہنا ہے کہ حیدرآباد کے قریب ضلع مٹیاری کی حدود میں قومی شاہراہ پر باراتیوں کی مسافر کوسٹرکا ٹائرپنکچرہوگیا تھا جسے ٹھیک کرنے کے دوران پیچھے سے آنے والے تیز رفتار ٹریلرنے ٹکر ماردی جس کے نتیجہ میں کوسٹر میں سوار 17مسافر ہلاک اور 15شدید زخمی ہوگئے ۔

مرنے والےباراتیوں میں 10مرد ۔5خواتین اور 2بچے شامل ہیں۔ایس ایس پی کے مطابق ہلاک ہونے والوں کی لاشوں اور زخمیوں کو ہالہ ۔حیدرآباد اور مٹیاری کے اسپتالوں میں منتقل کردیا گیا ہے

تمام مسافرنیوحیدرآباد سٹی کے رہائشی اور زنور برادری سے تعلق رکھتے تھے