ایرانی فوج کے سربراہ 3 روزہ سرکاری دورے پر پاکستان پہنچ گئے

اسلام آباد: ایرانی مسلح افواج کے چیف آف اسٹاف میجرجنرل محمد باقری 3روزہ سرکاری دورے پر اسلام آباد پہنچ گئے۔
ایرانی فوج کے سربراہ کا نورخان ایئربیس پر پاک فوج کے اعلیٰ حکام اور پاکستان میں ایران کے سفیر مہدی ہنردوست نے میجر محمد باقری کا خیر مقدم کیا۔ ایرانی فوج کے سربراہ یہ دورہ جنرل قمر جاوید باجوہ کی دعوت پرکرررہے ہیں۔
دورے کے دوران وہ پاکستان کے سول وعسکری قیادت سے ملاقاتیں کریں گے جن میں دوطرفہ تعلقات، دفاعی تعاون، سرحدی انتظام، دہشت گردی کے خلاف جنگ اورعلاقائی اور عالمی پیش رفت زیر غورآئے گی۔