کراچی میں متحدہ کیخلاف پی ٹی آئی امیدوار پر حملے اور تشدد کا مقدمہ درج

کراچی: خواجہ اجمیر نگری پولیس نے پاکستان تحریک انصاف کی درخواست پر ایم کیو ایم پاکستان کے کارکنوں کے خلاف مقدمہ درج کرلیا گیا۔
اطلاعات کے مطابق پاکستان تحریک انصاف کے سیکریٹری اطلاعات شہزاد قریشی کے مطابق نارتھ کراچی میں ایم کیو ایم کے کارکنوں نے پی ایس 123 سے پی ٹی آئی امیدوار فیضان مسلم کو بد ترین تشدد کا نشانہ بنایا اور انہیں سر پر گہری چوٹ آئی، واقعے کے وقت فیضان مسلم الیکشن مہم کے سلسلے میں علاقے کا دورہ کررہے تھے۔ فیضان مسلم کو دیگر زخمیوں کو جناح اسپتال منتقل کرکے طبی امداد فراہم کی گئی۔
خواجہ اجمیر نگری پولیس نے پی ٹی آئی کی درخواست پر ایم کیو ایم پاکستان کے کارکنوں کے خلاف مقدمہ درج کرلیا گیا۔ ایف آئی آر کے مطابق ایم کیو ایم اور پی ٹی آئی میں تصادم کے نتیجے میں ڈنڈنے لگنے سے پی ٹی آئی امیدوار اور 4 کارکن زخمی ہوگئے۔ ایم کیو ایم کارکنان تشدد کرنے کے بعد فرار ہوگئے۔