بھارت میں بس کھائی میں جاگری، 14 مسافر جان سے گئے

بھارتی ریاست اتراکھنڈ میں بس کھائی میں گرنے سے 14 مسافرجان سے چلے گئے جبکہ حادثے میں17 زخمی ہوگئے ہیں۔

بھارتی میڈیا کے مطابق حادثہ بھارتی شہردیرہ دون میں ہوا جب بس ڈرائیورسے بے قابو ہوکر گہری کھائی میں جا گری۔

ریسکیو ذرائع کے مطابق زخمیوں میں سے 9 افراد کی حالت تشویشناک ہے جنہیں ہیلی کاپٹر کے ذریعے اسپتال پہنچا دیا گیا ۔ بس میں 31 افراد سوار تھے۔