قومی کرکٹرز کی مرحلہ وار وطن واپسی کل سے شروع ہوگی

تمام کھلاڑی اورآفیشلز آج دبئی سے مختلف شہروں کیلئے الگ الگ فلائٹس پکڑیں گے۔

کپتان سرفرازاحمد کل 24 جولائی کوشام 5 بج کر10 منٹ پرکراچی پہنچیں گے۔ حسن علی، فہیم اشرف، محمد عامر، محمد حفیظ، آصف علی، بولنگ کوچ اظہر محمود، ٹیم منیجر طلعت علی، ہیڈ کوچ مکی آرتھر، میڈیا منیجرعون زیدی، طلحہ اعجاز، کرنل (ر) اعظم خان 25 جولائی کی صبح ایک بج کر50 منٹ پرلاہور پہنچیں گے۔

شاداب خان، محمد نوازاورعثمان شنواری 25 جولائی کو صبح ساڑھے7 بجے اسلام آباد پہنچیں گے۔ 25 جولائی کو صبح ساڑھے7 بجے سیریز کے بہترین کھلاڑی فخرزمان کی پشاور آمد ہوگی جبکہ شعیب ملک 26 جولائی کو صبح 8 بج کر35 منٹ پر سیالکوٹ پہنچیں گے۔