زمبابوے کے کامیاب دورے کے بعد قومی ٹیم کی وطن واپسی

کراچی: مبابوے کے کامیاب دورے کےبعد قومی کرکٹ ٹیم کے کھلاڑیوں کی وطن واپسی شروع ہوگئی۔کپتان سرفراز احمد کراچی پہنچ گئےجبکہ دیگر کھلاڑی مرحلہ وار وطن واپس پہنچیں گے۔
تفصیلات کے مطابق قومی ٹیم کے کپتان سرفراز احمد کراچی کے جناح انٹرنیشنل ایئرپورٹ پہنچے جہاں شہریوں نے ان کا استقبال کیا۔
قومی ٹیم کے دیگر کھلاڑی مرحلہ وار وطن واپس پہنچیں گے۔
سرفراز احمد کا کہنا تھا کہ دورہ کامیاب رہا جس پر خوشی ہے تمام کھلاڑیوں نے بھرپور محنت کی اور قومی ٹیم کامیاب رہی۔
الیکشن سے متعلق سرفراز احمد کا کہنا تھا کہ انہیں نہیں معلوم کہ ان کے حلقے سے کون سے امیدوار کھڑے ہیں، عوام جسے بہتر سمجھتے ہیں اسے ووٹ ڈالیں۔