کراچی: رات گئےشارع فیصل کےقریب بس کو حادثہ

کراچی: کراچی میں رات گئے شارع فیصل کے قریب بس الٹ گئی جس کے نتیجے میں 1 شخص جاں بحق جبکہ 6 زخمی ہو گئے زخمیوں کو اسپتال منتقل کر دیا گیا۔

بس میں سوار مسافر شادی میں شرکت کے بعد واپس جا رہے تھے کہ شارع فیصل سٹار گیٹ کے قریب بس تیزرفتاری کے باعث الٹ گئی۔ حادثے کے بعد خواتین اور بچوں کی چیخ و پکار شروع ہو گئی تاہم علاقہ مکینوں نے اپنی مدد آپ کے تحت 6 زخمیوں کوہسپتال منتقل کر دیا۔ بس میں سوار ایک شخص شدید زخمی ہونے کے باعث موقع پر ہی دم توڑ گیا جس کی شناخت زاہد کے نام سے کی گئی ہے۔