برطانیہ میں گرمی کی لہر، درجہ حرارت 37سینٹی گریڈ تک پہنچے کا امکان

برطانیہ میں گرمی کی شدید لہر کا سلسلہ جاری ہے، کل گرم ترین دن کا ریکارڈ بننے کا امکان ہے۔ پارہ 37 ڈگری سینٹی گریڈ جانے کی پیش گوئی کردی گئی ہے۔
برطانوی محکمہ موسمیات نے ہدایت جاری کی ہے کہ سورج کی روشنی سے بچا جائے اور گھروں کو گرمی سے محفوظ رکھنے کی کوشش کی جائے۔
محکمہ موسمیات کے مطابق لندن اور جنوبی مشرقی علاقوں میں کل ریکارڈ گرمی پڑنے کا امکان ہے، جہاں درجہ حرارت 37 ڈگری سینٹی گریڈ تک جانے کی توقع ہے۔
محکمہ موسمیات نے کل انگلینڈ کے جنوب مشرقی اور شمالی اور مشرقی حصوں میں بارشوں اور تیز ہوائیں چلنے کی بھی پیش گوئی کی ہے، اس سے قبل برطانیہ میں جولائی کا سب سے زیادہ درجہ حرارت 2015 میں 36.7ڈگری سینٹی گریڈ ریکارڈ کیا گیا تھا۔