ترکی: دہشت گردوں کا پولیس چیک پوسٹ پر حملہ

شرناک:ترک ضلع شرناک میں پی کے کے دہشت گردوں نے پولیس چیک پوسٹ پر دھاوا بولتے ہوئے اندھا دھند فائرنگ کر دی، سیکورٹی فورسز نے فضائیہ کی مدد سے 2دہشت گردوں کو ہلاک کر دیا۔

غیر ملکی میڈیا کے مطابق ترکی کے ضلع شرناک کی پولیس چوکی پرفائرنگ کرنے والے علیحدگی پسند دہشت گرد تنظیم کے 2 دہشتگردوں کو ہلاک کر دیا گیا ہے۔سکیورٹی ذرائع سے موصول معلومات کے مطابق جینڈرمیری پولیس چوکی پر دہشت گردوں نے فائرنگ کی ۔

حملے کے بعد فرار ہونے والے دہشت گردوں کو گرفتار کرنے کے لئے ضلعی جینڈر میری کمانڈ آفس کی طرف سے آپریشن کا آغاز کیا گیا۔اچ کیراز گاوں میں ڈرون طیارے کی مدد سے 2 دہشت گردوں کی نشاندہی کی گئی جنہیں علاقے میں بھیجے گئے فضائی تعاون کی مدد سے ہلاک کر دیا گیا ہے۔