عمران خان کی حلف برداری میں ضرور جائوں گا۔سابق بھارتی کرکٹر سدھو

سابق بھارتی کرکٹر نوجوت سنگھ سدھو نے پی ٹی آئی چیئرمین اور متوقع وزیر اعظم عمران خان کی تقریب حلف برداری میں شرکت کی دعوت قبول کرلی ہے۔
بھارتی میڈیا سے بات کرتے ہوئے نوجوت سنگھ سدھو کا کہنا تھا کہ عمران خان کی تقریب حلف برداری میں ضرور جاؤںگا، تقریب میں شرکت کرنا اعزاز کی بات ہے۔
انہوں نے مزید کہا کہ عمران خان بلند کردار اور قابل اعتماد آدمی ہیں، اسپورٹس میں رکاوٹیں توڑ کر راستے بناتے ہیں اور لوگوں کو متحد کرتے ہیں۔
واضح رہے کہ پی ٹی آئی نے عمران خان کی حلف برداری کی تقریب میں سابق بھارتی کرکٹر کپل دیو، سنیل گواسکر اور بالی ووڈ اسٹار عامر خان کو بھی مدعو کیا ہوا ہے۔