پی ٹی آئی کےعارف علوی،عمران اسماعیل کےحلقوں سےسیکڑوں بیلٹ پیپرزبرآمد

کراچی: قومی اسمبلی کے حلقہ این اے 247 اور صوبائی اسمبلی کے حلقہ پی ایس 111 کے سیکڑوں بیلٹ پیرز برآمد ہوئے ہیں۔

اطلاعات کے مطابق گزری کے علاقے میں سرکاری اسکول سےقومی اسمبلی کے حلقہ این اے 247 اور صوبائی اسمبلی کے حلقہ پی ایس 111 کے سیکڑوں بیلٹ پیپرز برآمد ہوئے ہیں ہیں۔

پی پی پی رہنما سعید غنی نے کہاکہ اسکول سے ملنے والے بیلٹ پیپرز کی تعداد 154 ہے جن میں سے 118 پر تیر کے نشان پر مہر لگی ہوئی ہے، جبکہ ایک بھی بیلٹ پیپر پر بلے کے نشان پر مہر نہیں۔

واضح رہےکہ این اے 247 پر پی ٹی آئی کے عارف علوی جبکہ پی ایس 111 پر عمران اسماعیل کامیاب ہوئے تھے۔