سرگودھا کی لڑکی چینی شہری کی دلہن بن گئی

ہفتہ 4 اگست 2018, 4:59 شام آخری اپ ڈیٹ ہفتہ 4 اگست 2018, 5:02 شام اہم خبریں, شہر گزشت, قومی

سی پیک منصوبوں سے مضبوط ہونے والی پاک چین دوستی اب کاروبار سے بڑھ کر محبت اوررشتہ داری میں بدلنے لگی ہے اوردونوں ممالک کے نوجوان شادیاں کرکے ہمالیہ سے مضبوط اورسمندر سے گہرے تعلقات کو مزید مضبوط کررہے ہیں۔

پاکستانی نوجوانوں کی چینی لڑکیوں سے شادی کی خبریں تو منظرعام پر اتی رہتی ہیں لیکن اب پاکستانی لڑکوں کے نقش قدم پر چلتے ہوئے چینی شہری بھی پاکستانی لڑکیوں سے شادی کرنے لگے ہیں ۔

پنجاب کے شہر سرگودھا کی نبیلہ نے بھی اپنے ہی شہر کی لڑکی شمع کے نقش قدم پر چلتے ہوئے چینی لڑکے سے شادی کرلی۔

پنجاب میں کسی تعمیراتی منصوبے پر کام کرنے والے چینی شہری شیا لان چانگ سرگودھا کی نبیلہ کو دل دے بیٹھے اور پھر ان کی محبت رشتہ داری میں بدل گئی۔

شیا لان چانگ نے اپنی محبت کو لازوال کرنے کیلئے نبیلہ کے گھر والوں سے ان کا ہاتھ مانگا اوراسے اپنی دلہن بنالیا۔

نبیلہ اورشیا لان چانگ کی شادی پاکستان کی روایات کے مطابق ہوئی جبکہ پنجابی اسٹائل کا ولیمہ بھی رکھا گیا جس میں چینی دولہا نے دیسی اندازاپنا کر سب کے دل جیت لئے۔

شیا لان چانگ کے مطابق اب وہ جلد نبیلہ کو پاکستان سے چین لے جائیں گے۔

نبیلہ سے قبل بھی رواں برس اپریل میں سرگودھا کی شمع نے بھی چینی لڑکے بدھیو سے شادی کی تھی۔