منفرد اندازکے مشہورمعروف امریکی ریسلر گلین جیکبز عرف کین میئر بن گئے

واشنگٹن: ریسلنگ میں اپنے منفرد اندازکی وجہ سے پہچانے جانے والے اور ماسک لگا کر حریفوں کو پچھاڑنے والے معروف امریکی ریسلر گلین جیکبز عرف کین نے اب سیاسی میدان میں بھی قدم رکھ دیئے ہیں۔
کین کوامریکی کاؤنٹی ناکس (Knox) کا میئر منتخب کرلیا گیا ہے۔51سالہ اداکار و ریسلر گلین جیکبز نے ری پبلکن پارٹی کی جانب سے الیکشن لڑ کر ڈیموکریٹ پارٹی کی خاتون رکن کو شکست دی اور میئر منتخب ہوگئے۔
6فٹ 8انچ لمبے قد کے حامل کین کا انٹرویو کرنے کیلئے آنے والے صحافیوں کو کریٹ پر چڑھ کر ان کے تاثرات لینے پڑے۔