سعودی عرب نے نجران پر داغا گیامیزائل تباہ کر دیا

ریاض:سعودی عرب کی فضائی ڈیفنس فورس نے نجران میں حوثیوں کا بیلسٹک میزائل مار گرادیا۔عرب میڈیاکے مطابق سعودی عرب کے ایک عسکری ذریعے نے بتایا کہ سعودی عرب نےنجران میں داغا گیا بیلسٹک میزائل تباہ کر دیا گیا۔ واقعے میں کسی قسم کے جانی نقصان کی کوئی اطلاع نہیں ملی۔

خیال رہے کہ اس سے قبل 19 جولائی کو جازان اور 18 جون کو نجران کی طرف داغے گئے میزائل مار گرائے گئے تھے۔ حوثی باغی گزشتہ کئی ماہ سے سعودی عرب پر مسلسل بیلسٹک میزائل حملے کر رہے ہیں۔سعودی محکمہ دفاع کی طرف سے فوری کارروائی کرکے ان کےحملوں کو ناکام بنا دیا جاتا ہے۔