بھارت :کیکی چیلنج ویڈیو بنانےپرریلوے اسٹیشن صاف کرنے کی سزا

ممبئی:بھارتی شہر ممبئی میں 3 افرادکو کیکی ،کیکی چیلنج کی ویڈیوبنانے پر 3دن تک ایک ریلوےا سٹیشن کو صاف کرنے کی سزا سنادی گئی۔بھارتی ٹی وی کے مطابق پولیس نےمذکورہ افراد کو گرفتار کر کے عدالت میں پیش کیا ۔ان کی ویڈیو سےیہ پتہ چلتا کہ بھارت کی مختلف ریاستوں میں لوگ کس طرح کیکی کیکی چیلنج پر پرفارم کر رہے ہیں۔

کیکی چیلنج کو ان مائی فیلنگز چیلنج کا نام بھی دیا جا رہا ہے جس میں کینیڈین گلوکار ڈریک کے نئے سپر ہٹ گانے ان مائی فیلنگز پر چلتی گاڑی سے اتر کر سڑک پر گاڑی کے ساتھ چلتے چلتے ڈانس کرنا ہوتا ہے۔بہت سے صارفین اس چیلنج کی ویڈیوز بنا کر انٹرنیٹ پر اپ لوڈ کر رہے ہیں لیکن اس دوران کئی حادثات بھی پیش آئے ہیں۔ انڈیا سمیت کئی ممالک نے اس رحجان کے حوالے سے تنبیہ بھی جاری کی ہے۔