سنیل گواسکر کی عمران خان کی تقریب حلف برداری میں شرکت سےمعذرت

اسلام آباد: عمران خان کی تقریب حلف برداری میں شرکت سے سنیل گواسکر نےمعذرت کرلی۔

اطلاعات کےمطابق بھارتی کرکٹ ٹیم کے سابق کپتان سنیل گواسکر نے پاکستان کے ممکنہ وزیراعظم عمران خان کو فون کرکےاپنی مصروفیات سے آگاہ کیا۔سنیل گواسکر نے عمران خان کے لیے نیک خواہشات کا بھی اظہار کیا۔
پی ٹی آئی کے رہنما فیصل جاوید نے کہا کہ پاکستانی سابق کھلاڑی بھی تقریب حلف برداری میں شرکت کریں گےجن میں وسیم اکرم،جاویدمیاںداد، عاقب جاوید، انضمام الحق، وقار یونس اور دیگر کھلاڑی شامل ہیںجبکہ سابق بھارتی کرکٹرز کپل دیو اور نوجوت سنگھ سدھو تقریب حلف برداری میں شرکت کے لیے پاکستان آرہے ہیں۔