کراچی کے مختلف علاقوں میں بجلی کی فراہمی معطل

 

کراچی : رات گئے بوندا باندی کے بعد شہر کے مختلف علاقوں میں بجلی کی فراہمی معطل ہوگئی ،نجی ٹی وی کے مطابق گلستان جوہربلاک 19 ، 20 ، پی ای سی ایچ ایس بلاک2 ، 4،نارتھ ناظم آباد،گلشن اقبال13 ڈی، ملیر ،لانڈھی ،کینٹ اورصدرکے علاقوں میں بجلی غائب ہوگئی ۔

اس کے علاوہ ڈیفنس فیزٹو،کلفٹن بلاک 5 ،کورنگی سمیت متعدد  علاقوں میں بھی بجلی کی فراہمی معطل ہے جس کے باعث شہریوں کو پریشانی کا سامنا ہے۔ تاہم کئی علاقوں میں صبح 7 بجے کے قریب کئی علاقوں میں بجلی کی فراہمی بحال ہوگئی ۔ ترجمان کے الیکٹرک کا کہنا ہے کہ ٹرپنگ کے باعث بجلی کا تعطل ہوا، خرابی کو دور کرنے کے لیے کام جاری ہے۔