بھکر سے شہاب ثاقب کا ٹکڑا برآمد

بھکر:بھکر میں پر اسرار گونج اور دھماکےکے بعد فضا سے 4 کلو وزنی پتھر گرنے سےعلاقے میں خوف و ہراس پھیل گیا، پولیس نے پتھرکو اپنی تحویل میں لے کر تفتیش شروع کر دی۔

تفصیلات کے مطابق ضلع بھکر کی تحصیل دریا خان کے علاقے کنیال میں کالے رنگ کا پتھر فضا سے گرنے سے زور دار دھماکہ ہوا ،ابرآ لود موسم کے دوران تیز گونج اور دھماکے کی آواز سنتے ہی شہریوں کی اکثریت واقعے کی تحقیق کے لئے گھروں سے باہر نکل آئے، آبادی کے قریب جانور چرانے والے افراد کی نشاندہی پر کالے رنگ کا عجیب و غریب پتھر پایا گیا، جس کے گرنے سے زمین میں گڑھا پیدا ہو گیا ۔علاقہ نمبر دار اعجاز حسین نے بتایا کہ پتھر گرنے سے پیدا ہونی والی گونج اور دھماکے کی آواز دور تک سنی گئی۔