بجلی کادوسرا بڑا بریک ڈائون،85فیصد کراچی اندھیرےمیں ڈوب گیا

کراچی: شہر قائد میں ایک ہفتے میں بجلی کا دوسرا بڑا بریک ڈاؤن ،کئی علاقے اندھیرے میں ڈوب گئے۔

اطلاعات کے مطابق ایکسٹرا ہائی ٹینشن لائن ٹرپ کرنے سے متعدد گرد اسٹیشن بند ہوگئے،گورنر وزیراعلیٰ ہاؤس سمیت متعدد علاقے اندھیرے میں ڈوب گئے۔

بجلی کے بڑے بریک ڈائون کے باعث گلستان جوہر، گلشن اقبال، گلزار ہجری، ابوالحسن اصفہانی روڈ، ملیر کے علاقوں میں بھی بجلی کی فراہمی معطل ہوگئی ہے، سولجر بازار، گارڈن، نارتھ کراچی کے علاقوں میں بجلی کی فراہمی معطل ہوگئی ہے۔

ڈیفنس، قیوم آباد، منظور کالونی ، صدر، کلفٹن، ڈیفنس، گرومندر، لیاقت آباد، ناظم آباد میںبھی بجلی غائب ہے، اس کے علاوہ کھارادر، میٹھادر، کیماڑی سمیت متعدد علاقے بھی بجلی سے محروم ہوگئے ہیں۔

کراچی ایئرپورٹ بھی اندھیرے میں ڈوب گیا، مسافروں کو مشکلات کا سامنا ہے، رن وے اور آپریشن ایریا میں جنریٹرز کے ذریعے بجلی فراہم کی جارہی ہے، ایئرپورٹ کی پارکنگ ایریا میں اندھیرا، اے ایس کی نفری میں اضافہ کردیا گیا ہے۔