بھارت: نامعلوم مسلح افراد کے حملے 2 سادھو ہلاک

نئی دہلی :بھارت میں نامعلوم مسلح افراد کے حملے میں 2 سادھو ہلاک اور ایک زخمی ہوگیا۔ بھارتی میڈیا کے مطابق اتر پردیش کے ضلع اوریا کے بدھونا علاقے میں پیش آنے والے واقعہ کے بعد علاقے بھی میں کشیدگی پھیل گئی، پولیس کے اعلیٰ افسران اور سرکاری اہلکار جائے وقوعہ پر پہنچ کر حالات کو کنٹرول کیا،

پولیس سپرنٹنڈنٹ راجیش کمار سکسینا نے میڈیا سے گفتگو میں بتایا کہ بدھونا میں مندر کے 3سادھووں کو نامعلوم افراد نے چار پائی پر باندھ کر زدوکوب کیا ،جس سے موقع پر 2سادھو دم توڑ گئے جبکہ ایک شدید زخمی ہو گیا۔ مرنے والے سادھودں کی شناخت لجا رام، اور ہلکے رام سے ہوئی ہے اور ان کی عمریں 50سے 60برس کے درمیان ہیں۔ رپورٹ کے مطابق رام شرن کو زخمی حالت میں ہسپتال میں داخل کرادیا گیا ہے۔