کراچی پولیس چیف امیرشیخ کاپرائیوٹ گاڑی میں مختلف تھانوں کاخفیہ دورہ

کراچی: پولیس چیف امیر شیخ نے دوسرے دن بھی مختلف علاقوں کا خفیہ دورہ کیا، انہوںنےپرائیویٹ گاڑی اور سادہ کپڑوں میں عام شہریوں کی طرح شہر کے مختلف علاقوں میں صورتحال کا جائزہ لیا۔
پولیس چیف امیر شیخ ملیر کے شاہ لطیف ٹاون تھانے پہنچے تو وہاں سناٹا تھا، تھانے کے گیٹ پر صرف سنتری ڈیوٹی کررہا تھا، تھانے کے ائیرکنڈیشن رپورٹنگ روم میں ڈیوٹی افسر سو رہا تھا جسے ایڈیشنل آئی جی نے کئی منٹ کی تگ و دو کے بعد جگایااس کے علاوہ ایس ایچ او شاہ لطیف ٹاون گل بیگ پنجارو بھی سو رہے تھے جب کہ ہیڈ محرر اور نائٹ ڈیوٹی محرر بھی غائب تھے۔
امیر شیخ بھینس کالونی میں سکھن تھانے پہنچے تو صبح کی ڈیوٹی کیلئے تیار نفری سے خطاب کیا اور چیکنگ کے دوران پولیس اہلکاروں کو شہریوں سے مناسب رویہ رکھنے کی ہدایت کی۔
ایڈیشنل آئی جی نے سکھن تھانے میں بغیر الزام شہریوں کو حوالات میں رکھنے پر تفتیشی انچارج کو معطل کرکےلاک اپ میں قید دو بے گناہ ملزمان کو چھڑا دیا۔
دورے کے بعد ایڈیشنل آئی جی کراچی نے ملیر میں منشیات فروشوں کے خلاف بڑے پیمانے پر آپریشن کرنے کا حکم اور ڈی آئی جی ایسٹ اور ایس ایس پی ملیر کو تھانوں کی صورتحال پر خط لکھ دیئے ہیں کرنے کا حکم بھی جاری کردیا گیا ہے۔