کراچی میں نماز عید الاضحی کا سب سے بڑا اجتماع پولو گراؤنڈ میں ہوگا

کراچی: بلدیہ عظمی کراچی کے زیرانتظام نماز عید الاضحی کا سب سے بڑا اجتماع گلشن جناح (پولو گراؤنڈ) میں آج منعقد ہوگا۔ کراچی میں منعقدہ نماز عید کے اس بڑے اجتماع جس میں توقع ہے کہ گورنر سندھ ،میئر کراچی وسیم اختر، مختلف اسلامی ملکوں کے سفارتکار، وفاقی و صوبائی وزراء، ممبران قومی و صوبائی اسمبلی، منتخب بلدیاتی نمائندے اور معززین شہر کی ایک بڑی تعدادنماز عید ادا کرے گی۔

پولو گراؤنڈ میں نماز عید صبح 8 بجے ادا کی جائے گی، امامت کے فرائض خطیب جامع مسجد کے ایم سی مولانا محمد احمد سلیمی انجام دیں گے۔