ملائیشیا میںنادر و نایاب گینڈے کے 50سینگ ضبط

کوالا لمپور:نادر و نایاب گینڈے کی نسل کے 50 سینگوں کی اسمگلنگ کو ناکام بنا دیا گیا۔

بین الاقوامی خبر رساں ادارے کے مطابق ملائیشیا کے کوالالمپور ایئرپورٹ کے کارگو ٹرمینل پر وائلڈ لائف ادارے نے کارروائی کرتے ہوئے گینڈے کی نادر نسل کے 50 سینگوں کو ضبط کر لیا جس کی مالیت ہے12 ملین ڈالر بتائی جارہی ہے۔
ملائیشیا کے وائلڈ لائف ادارے کے سربراہ عبدالقادر ابو ہاشم کے مطابق 50 سینگوں کا وزن 116 کلو گرام ہے اور یہ اب تک ملائیشیا میں پکڑے جانے والے گینڈے کے سینگوں کی سب سے بڑی کھیپ ہے۔
واضح رہے کہ دنیا بھر میں گینڈوں کے سینگوں کی فروخت پر 1977 سے پابندی عائد ہے اس کے باوجود قیمتی سینگوں کی خرید و فروخت جاری ہے۔ ویت نام گینڈے کی سینگوں کی سب سے بڑی مارکیٹ ہے۔