چیئرمین منتخب ہواتوعمران خان اورعوام کومایوس نہیں کروں گا،احسان مانی

اسلام آباد: وزیراعظم عمران خان کی جانب سےپی سی بی کے چیئرمین کیلئے نامزداحسان مانی نے کہاکہ چیئرمین پاکستان کرکٹ بورڈ بننے کے لیے مجھے الیکشن لڑنا ہوگا، امید ہے کہ گورننگ بورڈ کے ارکان میرے حق میں ووٹ دیں گے۔

اطلاعات کے مطابق عمران خان سے احسان مانی نے ملاقات کی ، اس موقع پر وزیراعظم عمران خان نے احسان مانی کو پاکستانی کرکٹ میں بہتری کیلئے اپنے پلان سے آگاہ کیا۔

عمران خان نے احسان مانی کو ہدایت کی ہے کہ پی سی بی کے تمام معاملات کا ازسر نو جائزہ لیا جائے اور بورڈ کو بہتر انداز میں چلایا جائے۔

احسان مانی کا کہنا تھا کہ چیئرمین منتخب ہوا تو عمران خان اور پاکستانی عوام کو مایوس نہیں کروں گا۔