کراچی: کپڑے کی فیکٹری میں آتشزدگی

کراچی:نیوکراچی کے انڈسٹریل ایریا میںکپڑےکی فیکٹری میں آگ لگ گئی،فائر بریگیڈکی 15 گاڑیاں تیسرے آگ بجھانے میں مصروف ہیں،

نجی ٹی وی کے مطابق نیو کراچی انڈسٹریل ایریا میں کپڑے کی فیکٹری میں آگ لگ گئی جسے تیسرے درجے کی آگ قرار دیا جا رہا ہے، آگ نے آہستہ آہستہ تمام فیکٹری کو اپنی لپیٹ میں لے لیا ہے ، فائربریگیڈ حکام کے مطابق آگ پرقابوپانے کیلئے شہربھرسے فائرٹینڈرزطلب کر لئے گئے ،آگ لگنے سے ایک شخص زخمی ہو ا جسے طبی امداد کے لئے قریبی ہسپتال منتقل کردیا گیا ۔

ترجمان واٹربورڈ کے مطابق واٹربورڈکے سخی حسن اورنیپاہائیڈرنٹ میں ایمرجنسی نافذ کر دی گئی ہے جب کہ کئی ٹینکرآگ کے مقام کی جانب روانہ کردیے گئے ہیں ۔تفصیلات کے مطابق آگ 7 شام بجے لگی تھی جو آگے پھیلتی جا رہی ہے ،کئی دفعہ پانی بھی ختم ہو گیا جس کے بعد اور پانی بھی منگوایا گیا ہے ،اس دوران ایک فائر بریگیڈ کی گاڑی بھی خراب ہو گئی ، فیکٹری میں موجود تمام کپڑا جل کرخاکستر ہو گیا ہے جبکہ فیکٹری کی دیواریں اور چھتیں گر گئی ہیں۔