ایران میں بوائلر پھٹنے سے 10 افراد جاں بحق5 شدید زخمی

تہران: ایران کے شہر مشہد میں بوائلر پھٹ گیا، جس کے نتیجے میں 10 افراد جاں بحق اور5 شدید زخمی ہو گئے ہیں۔ایرانی میڈیا کے مطابق بوائلر پھٹنے کاحادثہ مشہد کے رہائشی علاقے میں پیش آیاتھا۔

ایرانی میڈیا نے مزید بتایا کہ بوائلر پھٹنے سےقریب کی3 رہائشی عمارتیں مکمل تباہ ہوگئیں اورساتھ ہی 15 گھروں کو بھی نقصان پہنچاہے۔

ادھر ریسکیو اہلکاروں نےجائےحادثہ پر پہنچ کر امدادی کاموں کا آغاز کردیا،اہلکار عمارتوں کا ملبہ ہٹانے کی کوشش کررہے ہیں تاکہ مزید افراد جو ملبے تلے دبے ہوں انہیں باہر نکالا جاسکے۔

ریسکیو ذرائع کا کہنا ہے کہ حادثے میں جاں بحق ہونے والوں کو پوسٹ مارٹم اور زخمیوں کو فوری طبی امداد کی فراہمی کے لیے اسپتال منتقل کردیا گیا ہے۔