امریکی ریاست کیلیفورنیا میں اسکول کے قریب فائرنگ، نوجوان ہلاک

واشنگٹن:امریکی ریاست کیلیفورنیا کے ایک اسکول کے قریب فائرنگ کا تازہ واقعہ پیش آیا ہے جس کے نتیجے میں 16سالہ نوجوان ہلاک اور 18سالہ نوجوان شدید زخمی ہوا ہے۔
فائرنگ کا واقعہ شمالی کیلیفورنیا کے شہر فیئرفیلڈ میں واقع فیئرفیلڈ ارمیجو ہائی اسکول میں پیش آیا جس میں دو گروہوں نے ایک دوسرے پر فائرنگ کی، واقعے کے فوری بعد دو افراد کو پولیس نے گرفتار کر لیا ہے۔
پولیس حکام کے مطابق فائرنگ سے یہ محسوس ہو رہا تھا جیسے دو گروہوں میں آپس میں جنگ چھڑ گئی ہو۔
فائرنگ ہونے کے بعد جیسے ہی پولیس اسکول پہنچی تو 2مشکوک افراد نے وہاں سے فرار ہونے کی کوشش کی تاہم پولیس نے انہیں گرفتار کر کے اسکول کو سیل کر دیا ہے، کیمپس میں کوئی بھی زخمی موجود نہیں ہے۔
حکام نے والدین کے اپنے بچوں کو لینے کے لیے فائرنگ کے مقام کی قریبی جگہ کو مخصوص کر دیا ہے جبکہ واقعے کے حوالے سے پولیس تحقیقات کر رہی ہے۔