اسرائیل نے لانگ رینج میزائل تیار کرلئے

تل ابیب:اسرائیل نے مشرق وسطی میں کسی بھی ملک کو نشانہ بنانے والے میزائل تیار کرنا شروع کردیئے ۔غیر ملکی میڈیاکے مطابق اسرائیل ایک ایسا میزائل سسٹم تیار کر رہا ہے، جو مشرق وسطیٰ میں کہیں بھی مار کر سکتا ہے۔ اسرائیلی وزارت دفاع کا کہنا ہے کہ جدید ترین ٹیکنالوجی کا حامل یہ میزائل سسٹم اپنے ہدف کو ٹھیک ٹھیک نشانہ بنانے کی صلاحیت رکھتا ہے۔

یہ میزائل اپنی تیاری کے آخری مراحل میں ہیں اور آئندہ چند برس تک فوج کو مہیا کر دیے جائیں گے۔ اسرائیل مشرق وسطیٰ کی سب سے طاقتور فوج رکھتا ہے۔ تجزیہ کاروں کے مطابق اسرائیل اس خطے کی واحد ایٹمی طاقت ہے اور اسی کی برتری اس کو دفاعی لحاظ سے خطے کے اسلامی ممالک پر ممتازکرتی ہے ۔