فلپائنی بحریہ کا جہاز متنازعہ جزائر میں پھنس گیا

منیلا :فلپائن کی بحریہ کا ایک جنگی جہاز چین میں واقع ایک متنازعہ جزیرے میں پھنس گیا ہے جس کو نکالنے کیلئے ہنگامی بنیادوں پر کارروائیاں جارہی ہیں۔

غیر ملکی میڈیا کے مطابق جہاز بحیرہ جنوبی چین میں ایک متنازعہ جزیرے میں خشکی میں پھنسا ہے۔ حادثے میں جہاز پر سوار عملے کے تمام ارکان محفوظ رہے۔ جہاز کو خشکی سے دوبارہ سمندر میں کھینچنے کی کوشش کی جا رہی ہے۔ فلپائنی حکام کے مطابق یہ واقعہ بدھ کی شب پیش آیاجس کے بعد سے جہاز کو واپس سمندر میں دھکیلنے کیلئے ریسکیو کارروائی کی جارہی ہے ۔