یو اے ای: گھر میں آتشزدگی سے ایک جاں بحق، متعدد زخمی

فجیرہ: متحدہ عرب امارات کی ریاست فجیرہ کے علاقے الفیصل میں واقع گھر میں اچانک ہولناک آگ بھڑک اٹھی، آتشزدگی کا سبب الیکٹرک مصنوعات میں شاٹ سرکٹ بتایا گیا ہے۔مقامی میڈیا کا کہنا ہے کہ آتشزدگی کے واقعے میں ایک شخص ہلاک جبکہ ملازموں سمیت گھر کے دیگر افراد زخمی ہوگئے۔ فجیرہ سول ڈیفینس کے ڈائریکٹر کا کہنا ہے کہ کنٹرول روم کو گھر میں آتشزدگی کی اطلاع موصول ہوئی، جس کے بعد ہنگامی خدمات انجام دینے والا عملہ، پولیس اہلکاروں نے ایمبولینسوں سمیت جائے حادثہ پر پہنچ کر آگ پر قابو پایا۔

ریسکیو اہلکاروں نے امدامی سرگرمیاں انجام دیتے ہوئے ماں اور بچوں سمیت خاندان کے 9 افراد کو بچالیا تھا ،تاہم والد آگ کی لپیٹ میں آکر بری طرح جھلس گئے اور موقع پر ہی ہلاک ہوگئے۔سول ڈیفینس کے ڈائریکٹر کا کہنا ہے کہ آتشزدگی کے نتیجے میں ماں کو شدید زخم آئے تھے جس کے باعث انہیں قریبی ہسپتال منتقل کیا گیا جہاں ان کا علاج جاری ہے۔