سرینگر:بس کھائی میں گرنے سے 13 مسافر جاں بحق

سرینگر: مقبوضہ کشمیر میں مسافر بس کے گہری کھائی میں گرنے سے 13 مسافر ہلاک اور 13 زخمی ہو گئے۔میڈیا رپورٹس کے مطابق مقبوضہ کشمیر کے ضلع کشتواڑ میں ایک مسافر بس 300 فٹ گہری گھاٹی میں گر کر تباہ ہوگئی جس کے نتیجے میں 13 مسافر ہلاک اور 13 زخمی ہو گئے ہیں۔

حادثہ ڈرائیور کی غفلت کے باعث پیش آیا۔ریسکیو اہلکاروںنے ہلاک اور زخمی ہونے والے مسافروں کو قریبی ہسپتال منتقل کردیا، جہاں 2 زخمیوں کی حالت نازک بتائی جا رہی ہے۔ضلع کشتواڑ کے ڈپٹی کمشنرنے حادثے میں ہلاک ہونے والوں کے لواحقین کے لیے 5، 5 لاکھ اور زخمیوں کے لیے فی کس 50 ہزار امدادی رقم کا اعلان کیا ہے۔