ایشیا کپ، بنگلہ دیش کا سری لنکا کیخلاف ٹاس جیت کر بیٹنگ کا فیصلہ

دبئی :ایشیا کپ 2018کا آغازمتحدہ عرب امارات میں سری لنکا اور بنگلہ دیش کے افتتاحی میچ سے ہو گیا ہے جس میں بنگلہ دیش نے سری لنکا کے خلاف ٹاس جیت کر بیٹنگ کا فیصلہ کیا ہے ۔
بنگلہ دیش کے کپتان کا کہنا تھا کہ وکٹ بیٹنگ کے لئے ساز گار لگ رہی ہے بڑا سکور کرنے کی بھرپور کوشش کریں گے جبکہ سری لنکن کپتان کا کہنا تھاکہ اگر ہم ٹاس جیتتے تو ہم بھی پہلے بیٹنگ ہی کرتے ۔
واضح رہے کہ متحدہ عرب امارات میں آج سے شروع ہونے والے ایشیا کپ میں 6ٹیمیں شرکت کر رہی جن میں پاکستان،بھارت ،سری لنکا ،افغانستان، بنگلہ دیش اور ہانگ کانگ شامل ہیں۔پاکستان اپنا پہلا میچ 16ستمبر کو ہانگ کانگ کے خلاف کھیلے گا جبکہ پاک بھارت ٹاکرا 19ستمبر کو ہو گا۔ایشیا کپ کے تمام میچز ڈے اینڈ نائٹ ہیں جبکہ ایونٹ کا فائنل 28ستمبر کو کھیلا جائے گا۔