انڈونیشیا میں بحری جہاز ڈوبنے سے 10 افراد ہلاک

جکارتا: انڈونیشیا میں ایک مسافر بحری جہاز ڈوبنے کے باعث 10افراد ہلاک ہوگئے، 126 افرادکو بچا لیا گیا ۔ غیر ملکی میڈیا کے مطابق حکام نے بتایا کہ انڈونیشیا کےجنوب مشرقی صوبہ سولاویسی سے بنگائی بندرگاہ کے لئے روانہ ہونے والے بحری جہاز (کے ایم فونگ کا پیرماتا انڈونیشیائی) میں جزیرہ ساگور میں آگ بھڑک اٹھی، جس کے بعد جہاز ڈوب گیا ۔

حادثے میں 10 افراد ہلاک ہوگئے جبکہ126 کو بچا لیا گیا ۔ حادثے کے نتیجے میں بعض افراد کے لاپتہ ہونے کا بھی خدشہ ہے جن کی تلاش جاری ہے ۔ حادثے کی وجوہات جاننے کے لئے تحقیقات جاری ہیں ۔