شاہ محمود قریشی کےبیٹے و بھانجے کی وفاقی کابینہ میں شمولیت

اسلام آباد :تحریک انصاف نے وزیر خارجہ شاہ محمود قریشی کے خاندان پر نوازشیں شروع کردیں، جس کے نتیجے میں وفاقی حکومت نے کابینہ میں توسیع کردی اور وزیر خارجہ کےصاحبزادے اور بھانجے کو کابینہ کا حصہ بنا دیاگیا۔

حکومت کی جانب سے جاری کردہ نوٹیفیکیشن کے مطابق وزیر اعظم عمران خان نےشاہ محمود قریشی کے صاحبزادے مخدوم زین قریشی کو پارلیمانی سیکرٹری مقرر کردیا ۔ شاہ محمود کے بیٹے زین قریشی پارلیمانی سیکریٹری برائے فنانس ہوں گے ،وہ قومی اسمبلی کے حلقہ این اے 157 سے رکن اسمبلی منتخب ہوئے تھے۔حکومتی نوٹیفیکیشن کے مطابق شاہ محمود کے بھانجے ظہور حسین قریشی کو پارلیمانی سیکریٹری برائے توانائی مقرر کیا گیا ہے۔