قومی کرکٹ ٹیم کی ناقص کارکردگی پر وزیر اعظم کا نوٹس

اسلام آباد :ایشیا کپ میں ناقص کاکردگی پر وزیر اعظم عمران خان نے بھی شدید برہمی کا اظہار کرتے ہوئے پاکستان پی سی بی سے رپورٹ طلب کر لی ہے۔تفصیلات کے مطابق قومی کرکٹ ٹیم گزشتہ روز ایشیاکپ کے اہم ترین مقابلے میں بنگلہ دیش کے ہاتھوں شکست کے بعد ایونٹ سے باہر ہوچکی ہے جس پر کھلاڑیوں اور ٹیم مینجمنٹ کو کڑ ی تنقید کا سامنا کرنا پڑ رہا ہے۔

قومی ٹیم کی ناقص کاکردگی پر وزیر اعظم عمران خا ن نے بھی برہمی کا اظہار کرتے ہوئے چیئر مین پی سی بی احسان مانی سے مکمل رپورٹ کرلی ہے۔ وزیر اعظم کا کہنا تھا کہ قومی ٹیم نے ایشیاکپ میں بیٹنگ ،باؤلنگ اور فیلڈنگ تینوں شعبوں میں بدترین کاکردگی کا مظاہر ہ کیا ، احسان مانی ٹیم کی سلیکشن کمیٹی اور دیگر سے رپورٹ طلب کرکے پیش کریں۔