امریکی وزیر خارجہ مائیک پومپیو دورہ ٔایشیا پر ٹوکیو پہنچ گئے

واشنگٹن:امریکی وزیر خارجہ مائیک پومپیو دورہ ٔایشیا کے آغازپر جاپان کے شہر ٹوکیو پہنچ گئے۔
امریکی وزیرخارجہ مائیک پومپیو نے آج سے دورۂ ایشیا کا آغاز کر دیا، پومپیو جاپان میں آج جاپانی وزیراعظم شنزوایبے اور جاپانی وزیر خارجہ سے ملاقات کریں گے۔
ذرائع کے مطابق ملاقات میں دیگر امور کے ساتھ شمالی کوریا کے معاملے پر بھی گفتگو ہوئی۔
امریکی وزیرخارجہ کل شمالی کوریا جائیں گے جہاں وہ شمالی کوریا کے سربراہ اور امریکی صدر کے درمیان ملاقات سے متعلق امور پر گفتگو کریں گے۔
واضح رہے کہ مائیک پومپیو جنوبی کوریا اور چین کا بھی دورہ کریں گے۔