کراچی کے مختلف علاقوں میں ٹریفک جام، گاڑیوں کی لمبی قطاریں

توہین رسالت کیس میں آسیہ مسیح کی رہائی کے خلاف کراچی کے مختلف علاقوں میں شدید احتجاج کیا جارہا ہے۔ مذہبی جماعتوں نے مصروف شاہراہوں پر دھرنا دے دیا اور ٹائر نذرِ آتش کرکے سڑکیں بند کردیں۔جس کے باعث شہر کے مختلف علاقوں میں ٹریفک جام ہو گیا ہے اور گاڑیوں کی لمبی لمبی قطاریں لگ گئی ہیں۔

شہر قائد میں نمائش چورنگی،نیو کراچی، ایم اے جناح روڈ، فور کے چورنگی، پاور ہائوس چورنگی، بلدیہ ٹائون ، صدر ، رنچھوڑلائن ، فائیواسٹار چورنگی، ناگن چورنگی، حب ریورروڈ ، اورنگی ٹائون پر شدید ٹریفک جام ہے۔

ٹریفک جام ہونے کے باعث شہریوں کو مشکلات کا سامنا کرنا پڑ رہا ہے۔