بینک آف پنجاب کے صدر نعیم الدین نے استعفیٰ دے دیا

لاہور:بینک آف پنجاب کے صدر نعیم الدین نےدس سال بعد اپنے عہدے سے استعفیٰ دے دیا۔بینک آف پنجاب کے صدر نعیم الدین نے استعفیٰ وزیراعلیٰ پنجاب عثمان بزدار کو ارسال کردیا اور اس میں انہوں نے بطور صدر عہدہ سنبھالنے سے لے کر آج تک بیلنس شیٹ کا تذکرہ کیا گیا۔
نعیم الدین نے گفتگو کرتے ہوئے کہا کہ 10 سال پہلے عہدہ سنبھالا توبینک میں سیاسی مداخلت اور کرپشن تھی اور بینک دیوالیہ تھا جب کہ اسے 17ارب روپے خسارےکا سامنا تھا۔
نعیم الدین کا کہنا تھا کہ وہ آج بینک کو 12 ارب 50 کروڑروپے سالانہ منافع کے ساتھ چھوڑ کر جا رہے ہیں۔
نعیم الدین کے مطابق انہیں بینک آف پنجاب میں 10 سال پورے ہونے کو ہیں، لیکن اب وہ مزید کام نہیں کرنا چاہتے۔