قائد آباد فلائی اوور کے نیچے دھماکا، 2 افراد ہلاک 10 زخمی

کراچی:قائد آباد فلائی اوور کے نیچے دھماکا ہوا جس کے نتیجے میں متعدد افراد زخمی ہوئے جنہیں طبی امداد کیلئے اسپتال منتقل کیا گیا جہاں زخموں کی تاب نہ لاتے ہوئے 2 افراد جاں بحق ہوگئے جبکہ10 افراد کےزخمی ہونے کی اطلاع ہے ، دھماکے کے بعد علاقے میں بجلی کی سپلائی معطل ہوگئی ہے۔
ایڈیشنل آئی جی ڈاکٹرامیرشیخ جائے دھماکاپرپہنچ گئے ہیں،علاقہ پولیس نے جائے دھماکاکوگھیرے میں لیکر تحقیقات شروع کردی ہیں۔
دھماکے کے بعد علاقے کی بجلی بھی معطل ہوگئی ہے ، دھماکے کی آواز دور تک سنی گئی جبکہ عمارتوں کے شیشے ٹو ٹ گئے ہیں۔بم ڈسپوزل اسکواڈ دھماکے کی جگہ پہنچ گیا ہے اور جائے وقوعہ سے شواہد اکٹھے کئے جارہے ہیں۔
پولیس کے مطابق دھما کے کی نوعیت کا تعین کیا جارہاہے ، امدادی ٹیمیں موقع پر پہنچ گئی ہیں جبکہ قانون نافذ کرنے والے اداروں نے متاثر ہ مقام کی طرف آمدو رفت کو بند کردیاہے ۔
جناح اسپتال کی ڈائریکٹر ڈاکٹر سیمی جمالی نے 2 افراد کے جاں بحق ہونے کی تصدیق کرتے ہوئے بتایا کہ دھماکے میں زخمی ہونے والے 5 افراد کی حالت تشویشناک ہے۔