حکومت نے کرتار پور بارڈر کھول کر اچھا کام کیاہے ،لطیف کھوسہ

اسلام آباد: پیپلز پارٹی کے رہنما لطیف کھوسہ نے موجودہ حکومت کے کرتارپور بارڈر کھولنے کے فیصلے کو اچھا قرار دیتے ہوئے کہناتھاکہ حکومت نے کرتار پور بارڈر کھول کر اچھا کام کیاہے ۔
نجی ٹی وی کے پروگرام میں گفتگو کرتے ہوئے پیپلز پارٹی کے سینئر رہنما لطیف کھوسہ نے کہا کہ حکومت نے نارووال میں کرتار پور بارڈر کھول کر اچھا کام کیاہے اور وزیر اعظم عمران خان بھی اس کا افتتاح کرنے جارہے ہیں جو ایک اچھی بات ہے ۔
پیپلز پارٹی کے رہنما کا مزید کہناتھاکہ سندھ پولیس کی کا رکردگی دہشت گردی کے حوالے سے بہتررہی ہے اور اس کا کریڈٹ سندھ پولیس کو ہی جاتاہے، سندھ پولیس نے سانحہ صفورا کے ملزمان کا بھی کھوج لگایا تھا ۔ انہوں نے کہا کہ نادرا نے چینی قونصلیٹ پر حملے میں مرنیوالوں کوشناخت کردیاہے جن کا تعلق کالعدم بی ایل اے سے ہے ۔