کراچی میں متحدہ لندن ٹارگٹ کلرسمیت11 ملزمان گرفتار

کراچی : سندھ رینجرز نے کراچی کے مختلف علاقوں میں کارروائیوں کے دوران 11ملزمان کو گرفتار کرلیا ہے۔ ترجمان رینجرز کے مطابق کراچی کے علاقے گارڈن سےایم کیوایم لندن کے کارکن ارشداحمد کو گرفتارکیا، ملزم ٹارگٹ کلنگ سمیت دیگرجرائم میں ملوث ہے۔ رینجرز نے جمشید کوارٹر،عوامی کالونی سےاسٹریٹ کرمنلز کو گرفتار کیا جبکہ جمشید کوارٹرسے 3 افغان باشندوں کو بھی گرفتارکیا ہے۔ گرفتار ہونے والے ملزمان میں محمد امیر حمزہ عابد حسین اورجمیل احمد شامل ہیں۔ اس کے علاوہ گرفتار ہونے والوں میں ملزمان داودشاہ،عبدالخالق اورسلام کے نام بھی ہیں۔ ترجمان رینجرز کا کہنا تھا کہ ملزم ڈکیتی ودیگر جرائم میں بھی ملوث ہیں اور ان کے خلاف غیرقانونی رہائشی پذیری کامقدمہ بھی درج کیا گیا ہے۔ ترجمان رینجرز کا مزید کہنا ہے کہ ملزمان کو مزید تفتیش کے لیے پولیس کے حوالے کردیا گیا ہے۔ جبکہ ملزمان کے قبضے سےاسلحہ،ایمونیشن اورمسروقہ سامان بھی برآمد ہوا۔ ذرائع کا کہنا ہے کہ رینجرز نے دادو سے ملزم سلطان چانڈیو کو بھی گرفتار کیا ہے۔