فلوریڈا میں خوفناک ٹریفک حادثہ، 7 افراد ہلاک، متعدد زخمی

فلوریڈا: امریکی ریاست فلوریڈا میں ہائی وے پر خوفناک ٹریفک حادثہ پیش آیا ہے، جس کی زد میں آکر 7 افراد ہلاک اور متعدد زخمی ہو گئے۔
تفصیلات کے مطابق امریکا کی ریاست فلوریڈا کے علاقے گینزوائل کے قریب ہائی پر دو ٹریلر مسافر وین اور کار حادثے کا شکار ہوگئی جس کے نتیجے میں 7 افراد ہلاک جبکہ متعدد زخمی ہوگئے۔
غیر ملکی خبر رساں ادارے کے مطابق پولیس حکام کا کہنا ہے کہ حادثے کے باعث ہائی وے پر تیل بہنے سے خوفناک آگ بھڑک اٹھی اور دونوں ٹریلر مسافر وین اور کار سمیت آگ کی لپیٹ میں آگئے۔
امریکی میڈیا کا کہنا ہے کہ ریسکیو عملے نے فوری کارروائی کرتے ہوئے حادثے میں زخمی ہونے والے آٹھ افراد کو تشویش ناک حالت میں اسپتال منتقل کردیا ہے۔
طبی امداد فراہم کرنے والے عملے کا کہنا تھا کہ حادثے میں زخمیوں کو ٹریفک حادثے اور گاڑیوں میں آتشزدگی کے باعث گہرے شدید زخم آئے ہیں۔
امریکی خبر رساں ادارے کا کہنا تھا کہ فائر بریگیڈ عملہ آتشزدگی پر قابو پانے میں مصروف ہے جبکہ پولیس نے حادثے کے باعث فلوریڈا ہائی کی ایک سڑک بند کردی ہے۔