کراچی،مدرسے کی وین میں آگ لگنے سے 8 بچے جھلس کر زخمی

کراچی: اورنگی ٹاؤن میں مدرسے کی وین میں آگ لگنے سے 8بچے جھلس کر زخمی ہو گئے۔
عینی شاہدین کے مطابق اورنگی ٹاؤن میں قطر اسپتال کے قریب مدرے کی  وین صبح مٹی میں دھنس گئی تھی، جسے بچے دھکا لگا رہے تھے کہ اسی دوران مبینہ طور پر شارٹ سرکٹ کے نتیجے میں وین میں آگ بھڑک اٹھی۔
آگ لگنے کے نتیجے میں اسکول وین کے اندر بیٹھے بچے جھلس گئے۔
زخمی بچوں کو علاقہ مکینوں اور ڈرائیور نے اپنی مدد آپ کے تحت اسپتال منتقل کیا۔
ریسکیو ذرائع کے مطابق زخمی ہونے والے 8 بچوں کو سول اسپتال کے برنس وارڈ منتقل کیا گیا، جبکہ دیگر بچوں کو قطر اسپتال منتقل کیا گیا۔
دوسری جانب فائر بریگیڈ کی ایک گاڑی نے آگ پر قابو پایا۔
پولیس کے مطابق اسکول وین میں 14 بچے موجود تھے، جن کی عمریں 5 سے15 سال کے درمیان بتائی گئیں۔
پولیس کے مطابق اسکول وین میں ایک ایل پی جی سلینڈر بھی موجود تھا، جو بالکل محفوط رہا۔