4ڈاکو گرفتار، موٹرسائیکلیں ، موبائل ، اسلحہ، مسروقہ سامان برآمد

کراچی:کراچی کے علاقے گلشن اقبال میں پولیس نے مقابلے کے بعد 4ڈاکوئوں کوگرفتارکرکے ان کے قبضہ سے موٹرسائیکلیں ، موبائل ، اسلحہ اور مسروقہ سامان برآمد کرکےتھانے منتقل کردیا، نجی ٹی وی چینلز کے مطابق گلشن اقبال میں رب میڈیکل سینٹر کےقریب گلشن اقبال پولیس نے دوران چیکنگ موٹرسائیکل سواروں کو رکنے کا اشارہ کیا تو انہوں نے فرارہونے کی کوشش کی جس کےبعد فائرنگ کے تبادلہ کے بعد پولیس نےدوموٹرسائیکل پر سوار چار ڈاکوئوں کو گرفتارکرکے تھانے منتقل کردیا، پولیس کے مطابق چاروں ڈاکوڈکیتی کرکے فرار ہورہے تھے کہ مقابلے کے بعد پکڑے گئے، گرفتارہونے والے ملزمان سے دوموٹرسائیکلیں، غیرقانونی اسلحہ ، موبائل اور لوٹا ہواسامان برآمد ہواہے۔پولیس نے ملزمان کے خلاف مقدمہ درج کرکے تفتیش شروع کردی ہے۔