کیلی فورنیاکے گیمنگ ارینا میں فائرنگ،3 افراد ہلاک 4 زخمی

کیلی فورنیا:کیلی فورنیاکے گیمنگ ارینا میں فائرنگ کے نتیجہ میں تین افراد ہلاک اور چار زخمی ہوگئے، ٹورینس پولیس پولیس کے مطابق انہیں آدھی رات کے وقت گیمنگ ارینا میں فائرنگ کی اطلاع موصول ہوئی تھی جس پر وہ فوراًحرکت میں آگئے تھے۔
پولیس ڈپارٹمنٹ کے مطابق جیسے ہی پولیس کے اہلکار جائے حادثہ پرپہنچے تو انہیں وہاں پرفائرنگ سے زخمی ہونے والے متعدد افراد ملے، جن میں سے دومردوں کو طبی امداد کیلئے فوری طورپر قریبی اسپتال منتقل کردیاگیا جبکہ مزید دوزخمی مردوں نے اپنا علاج خود کروانے کا کہا ۔
پولیس ڈپارٹمنٹ کے مطابق غیرمتوقع طورپر تین مرد زخموں کی تاب نہ لاتے ہوئے موقع پر ہی ہلاک ہوگئے تھے، پولیس نے اب تک کسی ہلاک یا زخمی ہونے والے کی شناخت ظاہر نہیں کی ہے لیکن جائے وقوع کو سیل کرکے شواہد جمع کرلئے گئے ہیں اور تفتیش شروع کردی گئی ہے۔