لاہور پولیس کا پتنگ بازوں کیخلاف کریک ڈائون ،70گرفتار

پنجاب کے دارالخلافہ لاہور میں پتنگ بازوں کے خلاف کریک ڈاؤن کیا گیا ہے جس کے دوران 70 افراد کو گرفتار کر کے سینکڑوں پتنگیں اور چرخیاں برآمد کر لی گئیں۔
پولیس کا کریک ڈاؤن اور پتنگ بازی ساتھ ساتھ جاری ہے، پولیس نے شام تک 50 سے زائد مقدمات درج کر کے 70 پتنگ بازوں کو گرفتار کیا۔
پولیس کی جانب سے بڑی تعداد میں پتنگیں اور ڈور برآمد کرنے کا دعویٰ سامنے آیا ہے۔
ڈی آئی جی آپریشنز وقاص نذیر کا دعویٰ ہے کہ کسی کو پتنگ بازی جیسے خطرناک کھیل کی اجازت نہیں دی جائے گی، تمام ایس ایچ اوز کو اپنے علاقوں میں ٹیمیں تشکیل دینے کا حکم بھی دیا گیا ہے۔