لاہور اور گردونواح میں شدید دھند ، لاہور، پنڈی بھٹیاں موٹر وے بند

پنجاب میں شدید دھند کے باعث لاہور سے پنڈی بھٹیاں تک موٹروے کو بند کر دیا گیاہے،لاہور اور گردونواح میں شدید دھند چھا گئی۔

ترجمان موٹروے کے مطابق لاہور سے پنڈی بھٹیاں تک حد نگاہ صرف 5 میٹر رہ گئی، جس کے باعث موٹروے کو بابو صابو اور ٹھوکر نیاز سے بند کر دیا گیا ہے ۔

ترجمان موٹر وے پولیس نے مسافروں کو ہدایت کی ہے کہ گاڑیوں پر فوگ لائٹس لگاکر موٹروے پر سفر کریں جبکہ غیر ضروری سفر سے گریز کریں، شہری ہنگامی صورتحال میں موٹر وے پولیس ہیلپ لائن 130سے مدد لے سکتے ہیں۔